本文重點
一向keep得甚fit的「四哥」謝賢，昨以代言人身份出席健康食品宣傳活動，前妻狄波拉（拉姑）撐場兼代答問題。
昨日四哥賣花讚花香，強調代言的產品有助腎功能，問到是否有壯陽作用？四哥笑言：「我唔係賣春藥呀，係調理身體，做得代言人就要負責，所以我試食咗三個月，以前夜晚瞓覺要去兩次廁所，依家只需去一次。」
問到日前有人發信再度恐嚇陳冠希？四哥對此說：「我唔專長答呢啲，我專長答無厘頭問題，呢啲交畀拉姑答。」拉姑談到霆鋒與栢芝的新居，輕鬆表示他們有溫暖的家，又大讚之前食全素的栢芝懷着Lucas時仍肯飲有肉的湯水，是個偉大媽媽。
拉姑籲恕己恕人
對於再有衝着陳冠希而來的恐嚇信，拉姑正色的說：「同案件有關嘅唔可以亂講嘢，只可以講自己嘅家事，而且件事應該告一段落，每個人喺每件事上都有得着，不論係教訓或者回望人生，都應放過人、放過自己。」
陳冠希女友楊永晴的爸爸楊超成亦到場，被問到可擔心女兒的安全時，他表示女兒已長大，不用擔心，至於是否仍與陳冠希拍拖，他笑謂女兒在美國讀書，只偶爾通電，也只談學業，故不太清楚。
文：影視組