陳潔儀（Kit）與辛曉琪、潘越雲、林曉培及萬芳等天后將於下月三十日在港舉行一場《情牽女人心演唱會》，Kit自2004年推出專輯後回歸校園，在美國大學修讀Marketing課程，接住返回新加坡任公關，Kit說：「當初好難適應，成日畀人眼望望，用咗半年時間先適應到OL生活。」Kit坦言期間有不少唱片公司斟她出唱片：「拍戲、拍電視劇同舞台劇都有人搵，雖然開出好好條件，但我都不為所動。」Kit透露今次「回歸」樂壇原因只有一個，就是喜歡唱歌：「咁啱打算辭去公關工作，加上有主辦單位搵我，所以一口就應承喇。」而林曉培為配合主題特別戴了一個灰色假髮拍攝海報。
