Soler早前推出加盟bma後的首張專輯，獲老闆羅傑承豪擲過百萬賣廣告，出名疼錫藝人的羅生日前神秘為孖仔送上驚喜，花上數十萬在銅鑼灣鬧市購買大型廣告牌，昨日途經該處的Soler，見到海報即興奮得跳車拍照留念。
孖仔組合Soler自加盟bma後，一直深得老闆羅傑承愛錫，不惜工本力捧，繼早前斥資過百萬炮製新碟《CANTO》後，又豪花百萬在電台、電視、報章雜誌購買廣告。
拍照留念
日前羅生為給Soler驚喜，秘密在銅鑼灣鬧市購買巨型廣告牌，昨日孖仔出席完訪問，經過見到海報即興奮得急急跳落車，並着助手為他們拍照留念，縱然下着雨，但無損兩人雅興。
Soler大孖Julio說：「真係唔知老闆送驚喜，多謝晒，真係好感激老闆一路嘅支持，呢個時勢仲攞咁多錢出嚟賣廣告，羅生唔只係我哋嘅伯樂，仲係我哋生命中嘅貴人。」細孖揚言會以最好的音樂及努力答謝老闆的支持。
夜赴上海
另外，Soler昨日出席電台訪問，透露有不少歌迷在討論區留言支持：「好多人都話好鍾意聽我哋啲歌，有啲仲話聽到喊添。」Soler表示活動後會返家執行李，細孖Dino說：「夜晚會飛去上海出席表演活動。」
文：音樂組