本文重點
早前有傳Kama（羅凱珊）受到同行迫害，矛頭直指與她屢傳不和的Angelababy（楊穎），令兩人不和再度升級。Angelababy對此直言：「我乜都冇做過！」而熊黛林亦力撐同門師妹乖女，更稱：「Kama邊個嚟㗎？」
前晚Angelababy化身天使現身蘭桂坊派傳單，與王祖藍拍攝《矮仔多情》外景。未知是否受Kama的言論影響，她竟然誤爆粗說：「今晚我會打×王祖藍。（你係咪想講打救？你講咗粗口喎。）你提我就醒起，我下次發音會小心啲」。對於近期模界傳出很多是非，加上Kama又指受到同行迫害，令模界充滿火藥味。Angelababy說：「我乜都冇做過，亦唔信佢會咁講，可能係記者喺中間自己寫。我同佢唔熟，活動上見過面但冇傾偈。（有傳Kama假喊。）我冇睇內文，如果佢喺記者面前喊，可能真係唔開心。」
討厭戴面具做人
有傳Angelababy不斷搶去Kama的工作，又不願與對方同台演出《美女廚房》，Angelababy否認說：「呢啲可能係雜誌自己構思出嚟，你可以問番監製同廣告商。（傳你買一送一，令熊黛林到場。）公司唔會咁做，只會接適合嘅工作。」
對於有指Angelababy的fans開網頁狂數Kama不是，Angelababy說：「我得一個個人網頁，唔關我事，唔係我做。」而她亦在個人部落格留言，標題為「對最近心情的一個總結」，內容大致是「不喜歡與戴面具的人做朋友」、「入行後覺得道德觀念的正確與否界限變得模糊」。
Kama自認不是名模
另外，Angelababy同門師姐熊黛林出席《美女廚房》時，問她是否與Angelababy聯手趕絕Kama？她說：「Kama邊個嚟㗎？啊！嗰個幾甜嘅女仔呀！我同佢唔熟。關我咩事？關Angelababy咩事？佢一向好乖，不過人哋嘅嘢我唔過問，做好自己就得。」而另一主角Kama接受電話訪問時回應：「熊黛林唔識我？我又唔係名模，而且我哋又未試過同場，所以唔出奇。」
文：影視組