本文重點
尹志強病重未愈，早前得老友曾志偉及譚詠麟（阿倫）為他發起籌募醫藥費，為數二百萬元。日前有報道指米雪被屈私吞了這筆錢，還指尹佬已病得認不出人。
昨日穿上古裝拍《宮心計》外景的米雪，對此事表現忟憎，回應記者的提問時，未講完便拂袖而去。她說：「我唔想多講，佢哋（指周刊）講嘅都唔係事實，希望大家可以祝福我男友身體健康，唔好成日都講到佢咁樣啦！」
至於尹佬好友阿倫，昨日為亞視《飲食天王頒獎典禮》擔任頒獎嘉賓。阿倫力撐米雪：「佢係好難得嘅女人，咁多年辛苦照顧尹佬，呢件事絕對冇可能。（有冇籌過錢？）我哋係為佢籌過，但以基金形式監管，尹佬應該夠用。（有指尹佬認不得人？）熄咗燈我都認唔到人啦，放心，冇事，慢慢調理。」
志偉：內情複雜
至於另一發起人曾志偉，指報道對米雪很不公平，因那筆錢她根本不能拿：「十多年佢都盡心盡力照顧尹佬，但籌款嘅內情好複雜，一時都唔知點講，我都要問晒各方善長意見，先可以公布，但一定唔係周刊所講咁。」