蔡卓妍「初為人母」

蔡卓妍（阿Sa）昨日接受查小欣《巴巴閉邊個夠我查篤撐》電台訪問，談到最近推出個人專輯，阿Sa說：「碟入面其中有首歌《I'm Sorry》，我最想同爺爺、嫲嫲講對唔住，爺爺老人癡呆症愈嚟愈嚴重，嫲嫲為咗照顧佢連自己都受傷，但之前我一直忙緊拍台劇，都請唔到假去探佢哋，真係好對佢哋唔住。」

首次暫別Twins作個人發展，阿Sa坦言公司曾提議她改走玉女路線：「阿Sa依然係阿Sa，只係比以前長大咗，不過玉女路線真係唔得，諗到都驚！」另外，早前阿Sa跟周慧敏、張敬軒到尼泊爾探訪，阿Sa助養了一名七歲女童，坦言感受到初為人母的感覺，希望對方能健康、快樂成長。