由於近日頻頻勁舞演出，子珊表示要以按摩器來按摩雙腿。雖然忙於演出，但子珊早前再為《美女廚房》演出，又有機會鑽研煮食心得，所以，昨日她於現場亦發揮其廚藝，即席炮製了「飛碟多士」。
子珊坦言最愛炮製甜品蛋糕，問是否她的冧仔絕招？她說：「我發現身邊男仔都唔太鍾意食蛋糕嘅，所以都唔可以話冧仔，反而我最近要學粗魯，因為我同王祖藍拍電影《矮仔多情》，戲中我演一名大牌檔老闆娘，又要扮粗魯、學猜枚、學電單車，仲要學隊啤酒添！」
