Soler、陳敏之、李彩華昨日出席無綫遊戲節目《掌故王》錄影，曬得一身古銅膚色的陳敏之，早前在沙巴拍外景時，更發生甩褲驚魂。她說：「去到沙巴同阿靚（袁詠儀）玩降落傘，個船家整蠱我哋，拖咗我哋落水，搞到我條三角褲甩咗半條，露咗半個股，好彩喺水冇人睇到，我係咁掹住，仲叫阿靚幫我扯住條褲，笑到佢死。」
此外，Soler透露對香港歷史認識不多，但對澳門歷史則頗有研究，Soler表示：「好鍾意呢啲遊戲節目，可以學到好多嘢，自己鍾意讀歷史，細個經常睇完澳門歷史書，免費帶啲遊客周圍去。（有冇諗過做導遊？）有㗎，不過之後去咗歐洲，加上依家澳門變咗，冇以前咁有魅力。」
