蔡卓妍（阿Sa）昨日為新碟《二缺一》舉行簽唱會，更透露銷量報捷，阿Sa說：「今次係我個人第一隻碟，之前都好擔心，唔敢期望太高，依家銷量幾好，真係鬆口氣，信心都大啲！（網上有阿嬌版本嘅封面？）歌迷好有心，製作一啲都唔求其，搞到好多人都以為真係有得賣。」
阿Sa坦言過去一年發生太多事情，令她學會活在當下，問到她何時會結婚？阿Sa說：「等多七至八年啦，我唔需要呢個祝福住，如果唱片大賣我會開心啲。」另外，阿Sa前晚單拖在IFPI頒獎禮代表Twins上台領獎，她解釋說：「阿嬌（鍾欣桐）仲需要啲時間去適應電視觀眾。」
