何超儀與陳奕迅（Eason）殺入時鐘酒店開房「搏殺」，為新戲拍攝一場性愛及肢解場面，超儀老公陳子聰更親自監場到實！當完成拍攝後，超儀向Eason送上擁抱，期間怪風一吹，令超儀春光乍洩，Eason立即為她遮擋，認真夠老友！
Eason日前現身九龍塘一時鐘酒店，約個多小時後離開，一名作浴袍打扮的性感女子從後跑出，向Eason送上擁抱，而此女子乃何超儀！
露左臀對下紋身
原來Eason秘密為何超儀投資二千萬的電影《維多利亞壹號》（暫名）客串，齊齊現身九龍塘的時鐘酒店，拍攝一場性愛以及Eason被何超儀肢解的場面，既香艷又血腥，超儀老公陳子聰親自監場「
實」，期間謝霆鋒亦有到場探班。而超儀事前亦有代Eason向徐濠縈「備案」，免得陳太打翻醋埕！
拍攝期間，工作人員不時將大量性玩具如Mary公仔以及大量道具斷肢運入酒店。當完成拍攝後，何超儀為了答謝好友幫忙，向Eason送上擁抱，怎料期間遇上一股怪風，把超儀的浴袍吹起，其左臀對下的紋身也露了出來，Eason見狀立即施展其敏捷身手，為她把浴袍按下並以身體作遮擋，認真夠老友！
未試過用性玩具
超儀事後接受記者電話訪問，她直認邀請老友陳奕迅在其投資的電影演出一角，並笑言Eason所演角色很下流賤格，找演員時一想便想到找他演出，超儀表示：「Eason都諗咗好耐，因為擔心形象問題會影響星途，今次係佢一個大突破嚟，演出佢黑暗嘅一面。」
問超儀在時鐘酒店拍戲，會否感到不自在？她表示：「我今次冇換私人床單就瞓上床，依家唔知點算，（你接唔接受到性玩具呀？）一啲啲啦，自己未試過呀，拍戲咪可以囉！（之後會唔會Keep住用？）唔知㗎！」超儀直言導演彭浩翔為了追求真實感，連拍攝殺人戲都要用真刀，令她演出時很擔心會刺傷Eason，壓力甚大。
文：影視組