吳雨霏（Kary）、謝安琪（Kay）、鄧紫棋（G.E.M.）、方大同和小肥，前晚獲邀出席聖若瑟書院舉行的itq2009歌唱比賽表演嘉賓，該比賽過去曾邀得王菲、陳奕迅和Beyond做嘉賓。
方大同和G.E.M.最受學生歡迎，大同壓軸演唱，在後台已被學生圍着排隊合照。Kary剛贏得十大銷量本地歌手獎，被追問與「網球王子」洪立熙（Brian）拍拖放狗的戀情時，Kary承認兩人從小相識。問Kary是否與Brian發展地下情兩年？她說：「冇話拍唔拍拖，好朋友囉，我都廿三歲，公司亦從來冇唔畀拍拖，反而鼓勵我，件事正面好放心。（事件見報Brian可有不開心？）佢又冇乜嘢，我哋唔會避，見得光嘅，只係佢畀人起晒底唔係咁好。」
另外，有傳與Kay同公司的張敬軒因不滿公司重視Kay，約滿後將過檔英皇，對此Kay說：「咁嚴重？等我問吓佢先，應該唔會，公司對每個歌手都好着緊，資源分配好平均。」