正在期盼愛情的舒淇，認為對愛情有憧憬的女生，會覺得世界變得美好簡單，可惜相交多年的朋友，她無法過電，亦過了一見鍾情的年紀，因此暫時仍未找到Mr.Right。
一身火紅露肩連身裙打扮的舒淇，昨日與張艾嘉出席珠寶品牌卡地亞最新Trinity精品系列的「Trinity. All about you forever」發布會，兩位充滿魅力的女主角與身在北京的陳坤，各拍了三張相片表達他們所認為的Trinity特質。
撐港片有人欣賞
舒淇其中一張表達對愛的「期盼」，她說︰「女仔對愛有憧憬，世界都會變得美好簡單。除咗愛情我都想將愛分畀人，好似親情、友情，目前朋友對我好緊要，畀我嘅愛無限大，可以包容我，不過由朋友變愛人就難啲，我識咗最短嗰個都有七年，大家了解太深啦，無諗過會變情侶，男朋友係第二樣嘢。」相信世上有一見鍾情的她坦言未曾遇過，她說︰「我唔係十幾廿歲，要互相了解先得，唔可以一時衝動，激情過後都會昇華變感情，不過依家未有人同我了解緊。」
早前馮小剛談到香港觀眾不認識內地電影時爆粗，加上林嘉欣有感香港電影一池死水，曾與馮導演合作《非誠勿擾》的舒淇，雖然與林嘉欣都是台灣人，不過她仍舊支持香港電影，她說︰「個個地方嘅文化背景都唔同，不過好電影一定有人識欣賞，我好多朋友睇完《非誠勿擾》都鍾意，但兩地票房就唔同啲。依家好多香港大導演同內地合拍，唔係一池死水，《海角七號》收得好，令台灣有番熱情，唔使五千萬，五百萬投資都有人欣賞。依家香港等緊《海角八號》同《海角十號》，香港都有熱情，要睇闊啲。」另外今日是張國榮死忌，舒淇希望哥哥在上面（天堂）開心快樂，一樣咁靚仔。
張艾嘉兒子曝光
張艾嘉其中一張照片表達「分享」，其兒子亦有出鏡，她說︰「佢咁啱放假返嚟，不過無酬勞，我哋唔係為酬勞而做，佢亦無諗過入行。」至於林青霞復出，她表示待對方真正復出才說，會否合作是對方的私人選擇。
文：名人組