患癌鴻叔求藥費治療

現年六十七歲的鴻叔談及治療過程時表現堅強，「依家逢星期一至五都要做電療，做完係有少少攰，但就冇話特別辛苦。」不過，事實是癌症治療絕不輕鬆，鴻叔堅強的話語原來只為安慰身旁妻子而說。鴻叔其後悄悄地向記者表示，自妻子知道自己患病後經常偷偷哭泣，鴻叔為免妻子擔心，除在她面前「扮冇嘢」外，也會盡量避免提及病情。

鴻叔過去一直熱愛足球，自從早年患上慢性阻塞性肺病後，「行幾級樓梯」也氣喘如牛，更需隨身攜帶吸入性藥物。獲悉患肺病後，鴻叔已決定放棄小巴司機工作，「自己知自己事，如果揸揸下小巴暈咗，累死自己唔緊要，累到人就唔好啦！」

「針費每次二千幾 邊有錢打」

失業後的鴻叔依靠生果金生活，妻子則任職清潔工、每月賺取數千元幫補家計。自前年發現罹患前列腺癌後，沉重的醫療費用亦令家庭經濟百上加斤，「我連屋企啲傢俬都冇錢買，唔係執返嚟就係人哋畀，醫生仲話要打針，每次要成二千幾蚊，邊有咁多錢打？」鴻叔坦言對籌措醫藥費大感惆悵，希望善長能施予援手。伊院發言人指，病人正接受放射療法，腫瘤科醫生建議病人完成放射療法後，注射八個周期輔助性藥物治療（Triptoreline），每三個月一次、每次藥費為二千六百卅一元。發言人又說，倘病人未能接受輔助性激素治療，癌症有較大機會復發。

捐款編號：12367

愛心回應：喜獲新家電 吳伯「四萬咁口」

獨居長者吳蘇行動不便，更因家境清貧，多年來一直無力購買電視機，閒時只能與收音機為伴，每日只能於斗室內過着寂寞的生活。吳伯的情況經報道後，旋即獲善長慷慨捐助，簇新的電視機日前已送抵吳伯家中，令吳伯「笑到見牙唔見眼」，「依家屋企終於有啲聲氣，個人精神啲、腦筋都轉得快啲！我最鍾意就係有得睇新聞！」

此外，有見吳伯家中的電飯煲已告損壞，同時亦因未有添置洗衣機而需以雙手洗衣服，基金亦以善長所捐善款協助添置，吳伯坦言大感窩心，「《東方》同啲善長都好有心，咁照顧我哋呢啲老人家！」

姓名：吳蘇

年齡：八十五

獲助物品：電視機、電飯煲、洗衣機

記者：詹海萍、林永發