獲撥款葬妻 阿發謝善長
「好快就係媽咪嘅生日，我同啲細路已經諗定晒送佢最鍾意食嘅嘢做禮物，點知佢咁都等唔到……」只得三十六歲的年輕母親何芋因腸癌彌留多時，最終不敵癌魔辭世。幸福的四口之家驟變單親家庭，令陳元發與一對年幼子女傷心不已。家庭頓生變故，阿發更為無法籌措殮葬費而大感徬徨。東方日報慈善基金了解後，已從「無力殮葬」專戶撥款一萬六千元，直接向殯儀公司支付相關費用。
阿發一家四口居於屯門偏遠村屋，自從失業及妻子患病後一直靠綜援維生，因車費昂貴平日甚少離開屯門，市鎮公園已是舉家「外遊」之選。曾擔任酒樓侍應的阿發原為經濟支柱，自○八年遭裁員後一直失業，○九年阿芋突然無故消瘦兼食欲不振，最終證實患上腸癌。
腸癌奪妻命 獨力養子女
阿發隨即肩負照顧全家起居責任，微薄積蓄亦因醫療費用而消耗殆盡，「阿芋成日都要出入醫院，仲做咗好多次手術，早排醫生仲話佢情況好穩定，唔知點解會去得咁突然！」
回憶昔日種種，阿發眼眶即時凝聚滿眼淚水，「七歲嘅細仔最黐媽咪，又鍾意行玩具舖，一去到想買啲咩都係捉住媽咪問。」作為家庭主婦的阿芋患病前每日都會親自接送幼子上學，亦負責督導十二歲女兒功課，但病後一切均由阿發分擔。未料阿芋病情突然惡化，「嗰晚媽咪突然話想食魚蛋燒賣，我就同囝囝出去買返嚟一齊食，點知竟然係我哋同媽咪嘅最後晚餐！」
由於社署發放約一萬一千元殮葬津貼不足支付阿芋的殮葬費，為使阿發可盡早辦妥妻子後事，東方日報慈善基金已從「無力殮葬」專戶撥款一萬六千元直接向殯儀公司支付不足之數，「真係好多謝《東方日報》同善長，喺呢個咁困難嘅時候幫咗我哋！」
捐款編號：12264
記者 林松澧
愛心回應
「真係好多謝《東方日報》同埋咁多有心人，以後沖涼終於唔使再捱凍水喇！」朱婆婆為免憶及喪子之痛而獲房屋署調遷，惜舊熱水爐未合新居規格，獨居的朱婆婆無法重置，即使身體虛弱亦須在寒冬中以冷水洗澡。基金即時透過與中華煤氣有限公司合辦的「煤氣爐具送贈計劃」為婆婆添置全新煤氣熱水爐。
至於熱心善長的捐助，則為婆婆添置全新輪椅及血壓計，婆婆對此欣喜不已，「早排跌親腳痛到依家，有咗輪椅個女嚟探我就可以推我落街飲吓茶，唔使再趷下趷下！」新居的基本家具齊備後，婆婆最希望可盡快養好身子，開始新生活。
求助人： 朱湯避
年齡： 79
求助物品：熱水爐