火劫文叔勇敢活下去
土瓜灣唐樓劏房單位一場大火，令黎學文痛失家人，事隔多月身上傷勢已愈，可惜埋在心坎中的傷痛，仍有待時間治療。慘劇發生後，文叔一家的遭遇引起全城關注，東方日報慈善基金至今接獲善款逾十四萬元，文叔向善長致以無限感激的同時，亦坦言回想起當日情景「仲係覺得好浮」，但相信只要能樂觀面對，陰霾總有散去的一天，「新搬間屋兩邊都有窗，好光猛！」窗外風景總叫文叔豁然開朗，亦教文叔體會到「其實人真係好渺小！」
「應該要點捐錢畀土瓜灣大火嗰個黎學文？」自六月意外發生至今，查詢捐助文叔的來電不絕，直至文叔出院及獲編配公屋單位，稍作安頓後才正式接收善款，文叔再三囑咐記者須代為轉達：「我好多謝《東方》，仲好多謝咁多善長嘅關心！」
「我嘅樂觀係對親人嘅安慰」
文叔形容，是次意外是人生中「一個好大嘅挫折」，「你諗吓，我成個家冇咗，不過最緊要係個人嘅心態！」頓失家園至親，傷痛非外人所能明白，但文叔一直堅強面對，「依家係個人心理嘅問題，有啲人少少唔如意就放棄自己，個啲唔係我性格！」堅強地面對生活、要勇敢活下去才是文叔座右銘。
近日文叔終於搬往新編配的公屋單位，身上傷勢亦漸告痊愈，「依家身體都冇咩問題，最大嘅問題喺個心度，始終要時間消化！」面對巨變，文叔坦言心境仍需時間調整，但樂觀的文叔堅信「我嘅樂觀係對親人嘅一個安慰！」事實上，遷入新單位，對文叔來說是個新開始，自言「三十幾年冇放過大假」的文叔更說，這段休養時間是他重整過去的一個好時機，「不過唔係話要忘記晒以前嘅嘢，始終嗰啲係記憶嚟嘛！」
「每個人嘅性格都唔同，就好似有啲人怕住生埗屋，但我喺依方面就無咩所謂！我有信心，自己係個積極嘅人！」過去可以是人生路途的絆腳石，亦可以是展開下一頁的基石，文叔便選擇積極面對人生繼續走下去。
捐款編號：12122
記者：梁卓怡