黃斑病變余伯苦無藥費

七十八歲的余國權數十年來每天均在《東方日報》相伴下度日,惟受黃斑病變影響下,余伯的左眼視力不斷轉差。醫生多次催促余伯使用自費藥物以及早挽回僅餘視力,余伯因未能籌措逾三萬元療程費用而向東方日報慈善基金求助。一分一毫集腋成裘,將可成為余伯展開療程的點點希望。

「之前只係滲眼水,但近排隻眼開始又腫又冇神,好多人都話我冇以前咁精靈﹗」余伯指近日視力明顯轉差,眼前影像亦開始模糊,視力退化徵狀陸續浮現,令余伯開始擔心繼續惡化或失自我照顧能力,惟有四出「求救」,「見到《東方》成日都幫人,唔係冇辦法都唔想行呢步!」

領綜援僅夠生活

展開療程刻不容緩,余伯更指醫生「次次覆診都『哦』我,問我有錢打針未」,但面對昂貴藥費,余伯每次覆診只能大耍「拖字訣」,「幾十蚊我就有,幾萬蚊叫我去邊度搵?就算依家即刻派六千蚊都唔夠錢醫啦﹗」余伯坦言每月二千多元綜援金僅能勉強生活,三萬多元的醫藥費足足等於「五個六千蚊」,「仲要未開始登記攞喎!」

談起新聞時事,余伯中氣十足,有條不紊,沒有半點老態,「你以為啦﹗我又高血壓及糖尿病,仲要定期覆診架!」余伯坦言一身「老人病」,需定期往醫院覆診,「黃斑病都係定期覆診驗出嚟,醫生一驗到就話一定要打針,冇得再拖﹗」

香港眼科醫院發言人表示,病人患有老年黃斑點退化,需靠眼內注射「樂明睛」(Lucentis)穩定視力,以免視力轉差及減低病人致盲機會。醫生建議病人每月接受一次注射,每針費用約為一萬一千元正,整項療程共需進行三次注射,即共需款三萬三千元正。

捐款編號:12135

記者 梁卓怡