「西醫話冇辦法，睇中醫又冇錢，好似畀人判咗死刑咁，惟有等死！」六十三歲的興叔百病纏身，心臟及腸胃已先後動過手術。兩年前因持續咳嗽及有吐血情況，幾經檢查仍未能查出病源，「嗰次喺醫院住咗幾個禮拜，一直驗唔到係乜事，醫生最後只係畀咗啲止血藥我食就算。」

止血藥未能令病情有所改善，同時興叔的體重更不斷下降，由一百三十多磅暴跌至一百磅左右，至此，蟄伏年多的肺癌亦終於現形，「幾個月前又開始咳血，今次就照到係肺癌，醫生表示要做手術，點知抽組織化驗先話擴散咗，已經冇得做。」

經轉介東華安排中醫治療

無法透過手術切除癌細胞，就連化療亦無法開展，「醫生話我嘅體質太差，未必捱得到化療，叫我試吓中醫，但就要自己畀錢。」興叔坦言自四十多歲因病退休後，一直靠綜援生活，多年來苦無積蓄。

面對無法擺脫的經濟困境，加上身體狀況每況愈下，興叔一度閃過輕生念頭，幸獲身在內地的妻子好言相勸，才重拾求生意志，「佢同我講，話呢啲係上天嘅安排，既然有機會醫就要撐住，唔好放棄。」

經本報轉介下，東華三院已即時安排興叔前往轄下中醫專科門診部應診，並視乎病情再提供進一步協助。

捐款編號：１１８１１

愛心回應

經本報呼籲，善長的支持，有需要的人士已得到協助。

「依家終於有部雪櫃，食剩嘢唔使丟咗佢咁嘥，可以留番下一餐（食），慳番好多！」丁婆婆靠綜援維生，開支緊絀，一直未能添購雪櫃。婆婆的情況經報道後，獲善長捐助的全新雪櫃已經送抵。購買雪櫃後的餘款還協助婆婆裝置鐵閘及購置座椅，讓婆婆能安享晚年。「屋企有咗雪櫃同張櫈，又裝咗鐵閘，真係好開心，多謝晒！」

丁杏嬋 77歲

求助物品：雪櫃

捐款編號：11726

記者 莫麗珊