海帶又叫昆布，呢種喺海中生長嘅植物，唔單止口感一流，對男士嚟講，原來仲有提升性能力嘅作用o架！佢含有豐富嘅碘，可以保障甲狀腺健康，如果甲狀腺功能不足，就會令雄性激素嘅代謝受影響，出現性慾低下及性功能減退嘅情況。
男性如果缺鋅嘅話，除會導致精子數量減少及精子品質下降之餘，更會令性能力減退，而女性則會出現愛液分泌量減少，進行性愛時會出現陰道疼痛問題。海帶含有豐富嘅鋅，正好可以解決呢啲問題，所以男女都適宜食用。
中醫認為海帶具有舒肝理氣嘅作用，而肝同性功能有着密切關係，當肝血充足，兵器嘅充血度便能得到保持，令其堅挺有力。如果從海帶成分中分析嘅話，由於佢含有多醣及醇類，具有抗凝血作用，可預防動脈粥樣硬化，減少出現勃起功能障礙嘅情況出現。