無論日本寫真女郎幾索都好，亦唔可以作千篇一律嘅演出方式，而想改變最簡單嘅方法就係從打扮方面入手，霧島聖子就喺新作中，為大家獻上多重變裝誘惑喇！今年28歲嘅佢係一位人氣高企嘅賽車女郎，近期跳入寫真界亦拚出成績來，喺選美活動「Miss FLASH」更勇奪冠軍寶座添！由E-NET推出嘅《Saint Love》就係佢嘅第一部寫真DVD作品，阿妹為咗展現結實又曲線誘人嘅火辣身段，性感泳裝同內衣當然唔少得，至於佢會唔會着番賽車女郎服呢？其實聖子好想擺脫呢個固有形象，所以今次唔會做車女，而係換上可愛兔女郎服、和式浴衣以及開胸黑色競泳水着，將神秘感同野性美帶畀大家，希望觀眾可以感受更多元化嘅美態。