所謂工欲善其事，必先利其器，日本AV女優靠自己副架生搵食，梗係要勤力做運動操弗啲先上陣同男優比併啦！而喺床上表現極之勇悍嘅水川堇唔見咗一排，原來就係為咗操弗副偈，最近仲決定繼續為女優事業打拚添！
雖然話一白遮三醜，但係擁有古銅膚色嘅女仔對於男人嚟講，往往帶有一種神秘感同野性美，吸引力絕對唔會輸畀白滑美女。就以日本AV女優為例，涉谷系女王AIKA就係野性魅力代表，除咗佢之外，水川堇嘅實力亦同佢不相伯仲。
今年24歲嘅水川堇五官標致又帶冷艷感覺，一睇就知性格強悍，不過又唔係個個男人都鍾意千依百順嘅小鳥依人，強悍女仔反而帶畀男人強烈嘅挑戰性。但如果想喺床上挑戰水川堇就要自量一下，因為佢一副古銅色胴體充滿曲線美，肉地結實，一睇就知活力十足，上到床招招狠勁，而且唔會咁容易滿足，真係冇番咁上下體力都招架唔住！
水川堇嘅女優生涯都幾特別，2016年出道拍AV，投身AV廠Prestige，一年半之後突然引退，好快又以本名水稀美里復出，到2018年又改用現時藝名，同時又用百名繪美里呢個名拍四仔！理論上，一位AV女優去到拍四仔呢一步，代表其生涯已去到尾聲，然而水川堇卻「奇迹生還」，轉個頭又返回三仔界發展。
如果大家有留意嘅話，就會發現佢今年似乎冇乜新作，不過唔使擔心，佢唔係再次引退，而係因疫情關係減產，將精力集中舉行攝影會，另一方面則勤力去健身室操弗副偈！最近大家就可以見到佢為AV廠kira☆kira拍攝嘅新作已經上市，當中佢顯得比以前更加健美，個樣亦容光煥發，演出更為如狼似虎，經過一段小休之後，果然令水川堇嘅狀態更趨巔峰！
水川堇出席完攝影會之後，都會將當中嘅花絮上載到社交網同大家分享，另外亦會透露新作品嘅消息，大家Click入去一定可以收到好多料呀！
網址：https://twitter.com/mizukawasumire
年齡：24歲
身高：5呎1吋
三圍：33D-23-34
撰文：賢