「小夫，我要進來了……」每次有動漫作品被惡搞，總會引嚟網民哄動，好似近年人氣超勁嘅《鬼滅之刃》就被改編成AV版，非常搞鬼，成為網絡熱話，但係真正嘅粉絲又會點諗呢？另外，日本網民早前因為有愛情賓館貼咗一張告示而議論紛紛，想知道發生咗咩事，就要睇埋落去喇！
日本有一間AV片廠專門推出惡搞人氣動漫嘅作品，佢就係成立近30年嘅TMA，每次有新作上市，總會引起唔少話題，而新作《鬼詰のオメコ 無限發射篇》亦唔例外。呢套作品係奇幻漫畫《鬼滅之刃》嘅AV版，前作《鬼詰のオメコ》喺去年11月推出時已熱爆日本網絡，今次推出續集都算係徇眾要求。女主角竈門禰豆子依然由萌系女優渚光希演出，仲搵嚟阿部乃美久（飾演胡蝶忍）、紺野光（飾演胡蝶香奈惠）同巨乳新進女優田中寧寧（飾演甘露寺蜜璃）助陣。另外，喺動漫中出現嘅嘴平伊之助都會登場，就算唔係動漫迷，相信都會被片中火辣辣嘅床上戰鬥所征服！
「愛情賓館」（ラブホテル）係日本男女爆房嘅熱點，而為咗招引生意，呢類場所都會加入一啲情趣裝修。不過，早排有一間愛情賓館只係貼咗一張告示，已成為日本網絡熱話，究竟係乜嘢一回事？據日本網民Nausiki透露，之前因為駕駛長途車攰得滯，入咗新潟縣柏崎市某間愛情賓館休息，無意中發現房內有一張寫住「嚴禁攜帶螃蟹入內」嘅告示，令佢大惑不解，心諗：「咩人會帶埋螃蟹嚟住賓館呢？如果係情侶嘅話，莫非係床戰道具？」事後佢喺網絡分享呢次見聞，唔少人都覺得好奇……查實真相係賓館附近有魚市場，而柏崎市又係盛產螃蟹嘅地方，所以有唔少人會買蟹到酒店房食用，搞到房間氣味好難清除，於是負責人先會貼出呢張告示。
有人話，婚姻係愛情嘅墳墓，究竟已婚男女最大嘅憾事係乜？早排有人喺美國網絡社區Whisper向一眾已婚男女發問，睇吓乜嘢事令佢哋覺得最遺憾，結果引嚟大量留言，更有網民選出最有同感嘅講法。最多女士有同感嘅憾事出自一位匿名女網民，佢話好後悔自己冇喺婚前同丈夫上床，事關到咗洞房一刻至發現對方係不舉男。最多男士有同感嘅憾事則出自一位匿名男網民，佢話當初應該喺婚前宣布出櫃，咁就唔會好似依家咁，鍾意同男人喺一齊卻走咗去同女人結婚。至於最令已婚男女都有同感嘅憾事出自另一位女網民，佢話應該係婚前了解吓對方嘅屋企人，早知咁難頂就唔會結婚。有趣嘅係，絕大部分網民都係匿名分享，似乎都係唔想身份曝光，希望Keep住婚姻關係吧！
撰文：魂