身體上嘅限制對於一個人嘅發展有冇影響？好難話冇，但係又未必具決定性，正如法國著名軍事家拿破崙係人所共知嘅矮仔，但係志氣遠大，喺戰場上嘅破敵能力更加係非常驚人！而今日為大家介紹嘅日本女優岸美由，同樣係人小志氣高，加上天賦本錢唔錯，絕對唔可以睇小！
早前為大家介紹過日本寫真界出咗一位身形細細粒嘅超人氣女優十味，唔止相貌標青，三圍仲好鬼火辣，因而有「最強顏面」、「奇迹之原石美少女」等稱號。不過，十味嘅地位有可能喺未來日子受到一位新秀嘅挑戰，佢就係視十味為偶像嘅岸美由。
今年19歲嘅岸美由，生得嬌俏可人，顏值幾乎同十味一樣咁高！身材方面，阿妹雖然生得細粒咗啲，身高只得4呎9吋，普通男仔都會比佢高出成個頭，但係佢嘅上圍唔細，估計係坐D望E，非常凸出！
近期拍咗唔少水着寫真嘅岸美由，其實係美少女組合Babababambi嘅成員，呢支組合喺今年年初成立，主力喺舞台發展，載歌載舞，而阿妹係組合中年紀最細、身高最矮嘅一員，但因為生得太靚女，所以備受注目。之前組合一度受疫情影響而靜咗一輪，家陣又再次活躍起嚟，而阿妹仲代表組合角逐樂壇偶像比賽「Young Jump SURVIVAL」第十季，並奪得LINELIVE獎項。不過，阿妹份人好謙虛，話自己之所以得獎，99%歸功於組合成員嘅共同努力，而喺未來，佢會同身邊嘅成員並肩作戰，立志要喺兩年內去到知名表演場館武道館演出，希望佢可以夢想成真啦！
身材嬌滴滴嘅岸美由，經常玩自拍，仲會將啲可愛片段上載社交網，想一睹阿妹搞笑嘅一面，多啲Click入去睇吓，心情都會暢快啲！
網址：https://twitter.com/miyu_kishi0213
年齡：19歲
身高：4呎9吋
三圍：33-23-34
撰文：賢