好多男士都有自我鍛煉嘅習慣，除咗操練肌肉、拉鬆筋骨外，仲會趁無聊嗰陣磨練一下兵器，務求將身心壓力宣洩晒出嚟。有冇想過，用嚟自娛嘅道具可以用嚟健身？另外，有寫真女優喺網上分享保健貼士，仲獲得飲品廠商嘅認同，究竟係乜嘢貼士咁巴閉？
聽人講，男士經常自娛，手臂會變粗，筆者對呢個講法向來一笑置之，估唔到有人會將呢個笑話變成真。日本勁有創意嘅男士情趣用品品牌Tenga，早排推出一款名為「Tenga Workout Gear」嘅啞鈴，可以用嚟鍛煉二頭肌，廠方聲稱，佢哋專登搵咗一間位於福島福山市嘅鑄鐵廠製造，重量有成4公斤，有趣嘅係，啞鈴內部唔係實心，當用家打開啞鈴上面兩個安全扣，就可以放入Tenga嘅J杯，用嚟磨練兵器，換言之，一件健身工具可以隨時變洩慾道具，係咪好正先，售價55,000日圓，抵喇！
之前已經有文章探討過日本AV男優嘅收入，至於美國四仔嘅男演員又有幾多收入呢？前四仔男星Jason Luv早前喺訪問中指出，自從轉做KOL之後，收入係做脫星時嘅5倍！現年35歲嘅佢，原名Jason Thomas，2018年開始喺美國四仔界搵食，2019年喺AVN頒獎禮獲得最佳新進男脫星殊榮，合共演出過百套作品，冇幾耐就離開四仔界轉做網絡KOL，而喺呢一年間，佢自稱月入達5萬美元，即係話當脫星嘅平均月入只得1萬美元左右。不過，佢話做KOL都唔容易，因為9成粉絲係男性，仲經常收到要求拍攝男男影片嘅留言。縱然係咁，佢覺得粉絲始終係老闆，點都要忍喎。
名人唔等如係專家，就算做埋健康大使，都唔代表對健康問題有專業認識，之但係日本有位巨乳寫真女優，最近喺網上呼籲大家唔好將電解質飲品稀釋嚟飲，否則會降低預防中暑嘅作用，結果呢番說話獲得某電解質飲品品牌認同，真係唔講得笑。呢位人氣女優叫星名琥珀（星名こはく），喺1990年8月出生，2016年出道，佢之所以對健康資訊咁有研究，皆因佢係一名現役護士！順帶一提，阿妹仲係一名有專業認證嘅書法及古箏導師，認真多才多藝，但講到佢最吸睛嘅Quali，始終係一對35E巨乳。
撰文：魂