要成為人氣模特兒，外表當然要有番咁上下質素，如果讀書嗰陣已經係校花級數，相信發展際遇會更加平坦順利。
好似出生於首爾嘅韓國模特兒姜唯伊，樣子標青，身高達178公分，更擁有一對迷人「胸器」，雖然好少以性感造型登場，人氣依然爆燈。原來呢位畢業於忠清南道天安大學嘅索女，出道前已貴為人氣校花，因而引起模特兒事務所嘅注意，加上阿妹嘅身形高挑，雙腿修長，唔做模特兒真係嘥料，所以好快獲得工作機會，除咗經常喺雜誌亮相，更以展場模特兒身份出席各類大型活動。之後，阿妹仲憑住出眾嘅外形，成為炙手可熱嘅車模。近年佢開始學人當KOL，頻頻為各類化妝品代言，做索女真係太着數了，你話係咪！