日本人氣漫畫《FAIRY TAIL魔導少年》自2006年連載至今，一直有着超高人氣，尤其係當中被稱為「妖精女王」嘅女主角艾爾莎‧史卡雷特，更係圈粉無數。點解呢個角色咁得粉絲歡心？只要睇吓佢嗰對巨乳加上露肉度勁高嘅造型，相信唔難理解。
由於艾爾莎‧史卡雷特係漫畫中嘅人氣女角，擁有超強戰鬥力，所以佢嘅模型已推出過無數次，而呢件新作就以水着為賣點！模型高達25公分，本身已經夠晒分量，仲要穿着一套被模型廠稱之為「炎」色嘅比堅尼，令一對巨乳有呼之欲出嘅感覺，配合埋纖腰、美股，名副其實係玲瓏浮凸！最有趣嘅係，模型設計師特意幫艾爾莎‧史卡雷特加長咗雙腳，令身材比例好似模特兒咁索，絕對係一件令人賞心悅目嘅作品。