點先稱得上「最佳女友」？唔同人有唔同觀點，有人覺得要樣子夠索，有人則認為冇身材唔掂，亦有人話性格好先係最重要。不過，如果女友有晒上述條件，偏偏係性冷感，你又會點睇呢？講真，要喺現實世界搵到個樣靚身材正兼且任勞任砌嘅女友，確係唔容易，好彩美國四仔界有大把人辦可以滿足到男士嘅幻想，正如以下3套作品都係以女友為主題，啱晒恨拍拖嘅單身寡佬。
好多人話，最佳女友嘅標準係「入得廚房，出得廳堂。」之不過，一段男女關係要維持得長久，雙方嘅床上表現亦係好關鍵，畢竟「食色性也」，喺性方面得唔到滿足，同食唔飽嘅大鑊程度係一模一樣。呢套由Digital Sin製作嘅《In The Room : Watching My Girlfriend #3》，就話畀大家聽，最佳女友嘅定義係要風騷入骨，當然呢種風騷一定要係男友限定。影片由Paul Woodcrest同Eddie Powell兩位四仔名導聯手執導，仲搵嚟Lyra Lockhart、Vanna Bardot、Kiarra Kai等身材出眾、魅力過人嘅脫星演出，加上全片以POV呢種主觀角度拍攝，令觀眾睇得更有代入感。筆者覺得Vanna Bardot演出嗰部分係全片最精彩嘅一段，全因阿妹個樣生得夠姣，仲要盡力施展媚功，一般人點頂得順呢？
出生日期：1999年3月2日
三 圍：32-24-33
身 高：162cm
人總係咁，失去咗先識得嚟珍惜，而呢種情況經常喺感情關係中出現。正如呢套由GirlGirl炮製嘅火辣作品《The Ex-Girlfriend Debacle》，講述已經分咗手嘅前度女友，性慾一直未能得到滿足，於是相當懷念昔日可以瘋狂啪啪啪、開心到飛起嘅日子，而為咗解決生理上嘅需要，終於按捺不住，主動上門搵番前男友。全片由兩個章節組成，分別係重遇篇同再戰篇，演員陣容包括Gianna Dior、Vina Sky、Avi Love同Jade Baker，4個都係現今四仔界炙手可熱嘅脫星，樣靚身材正。假如有呢啲咁正咁好色嘅前度女友主動投懷送抱，你又會唔會把持得住呢？
出生日期：1997年5月13日
三 圍：34D-24-35
身 高：165cm
風騷嘅女友固然吸引，但一套片得一種女友撐場，又真係好似唔夠喉噃？由MOFOS出品嘅《Stuffing My Horny Girlfriend #9》，就有多位唔同類型嘅女友出場，相信可以滿足唔同男士嘅口味。影片由Victoria Stephanie、Skyla Novea、Tara Ashley等多位豪乳脫星演出，分為5段短篇故事，每一段都會出現一位性格截然不同嘅女友，有小鳥依人型，亦有豪爽奔放型，部分女友更擁有戀足等特殊癖好添！5種女友，5種玩法，性愛場面自然超密集。一心希望享受官能刺激嘅四仔迷，定能得到滿足。
出生日期：1994年5月7日
三 圍：34DD-28-37
身 高：175cm
代號：廿八座大王
年資：30年
活躍地點：油麻地一帶
簡評：如果鍾意睇劇情類四仔，《The Ex-Girlfriend Debacle》相信可以滿足到大家，尤其係女角嗰種慾火高漲嘅演出，真係令人有心動嘅感覺。如果渴望有個風騷型女友，可考慮《In The Room : Watching My Girlfriend #3》，拍攝手法令人勁有代入感。至於未拍過拖、又唔知自己鍾意邊類型女仔嘅男士們，不妨透過《Stuffing My Horny Girlfriend #9》搵靈感，事關片中雲集各種性格嘅女友，相信有助你確認邊款先係你嘅「最佳女友」。
撰文：魂