唔少藝人為事業、為健康都會改名轉運，不過改個名容乜易吖，改善自己嘅才藝水準先係最重要嘛！所以不難發現一堆奀星將藝名改完又改，都依然紅唔起。不過喺日本AV界就唔同，好多女優改名重新出發，同時佢哋不論演技、身材同樣貌都更為吸引，好似近期炙手可熱嘅深田詠美就係成功例子，而最近知名色慾之女早川瑞希亦學詠美咁，改名以求事業更進一步。
早川瑞希喺2015年由SOD帶入AV界，樣子精靈可愛，身材勻稱亦不失火辣感覺。出道以來，一直都好努力及投入拍AV，以飢餓無比又享受嘅色慾之女風格，吸引唔少AV迷注意，同時亦以AV女優組合「原宿☆Bambina」成員身份四圍登台表演。最近佢隆重宣告改名叫若宮真紀，原因係佢覺得出道5年來，人氣係有所提升，但係始終未能大紅大紫，所以決定改名，並且會以更大嘅努力拍AV，施展渾身解數取悅大家！阿妹你咁有決心，我哋實會支持你！