雖然話男人搵女友，最重要係講內涵同性格夾唔夾，但係樣貌及身材同樣係考慮要素，之但係若然遇到呢位男網民嘅問題，唔知大家又點睇呢？佢話：「我喺朋友聚會中認識到女友，佢身材相當好，5呎4吋高，三圍係35E-25-35。老實講，佢嘅身材係吸引我嘅其中一個原因。今年係我哋拍拖後嘅首個夏天，發現原來佢着得好性感，Bra-top加熱褲或吊帶背心配迷你裙，佢解釋係因為好怕熱，所以出街着得咁少布。因為我嘅前度女友衣着比較保守，睇見佢咁着總係覺得唔舒服，尤其係見到其他男人嘅眼光，更係令我好尷尬。我應唔應該同女友講唔鍾意佢咁着呢？」