好多媽媽生完BB之後，身材都會走晒樣，要回復產前嘅火辣身材真係好難，不過日本寫真女王熊田曜子就話畀大家知世事無絕對！今年5月曜子已年屆38歲，貴為人妻嘅佢先後誕下三個囡囡，家陣佢唔單止繼續拍寫真，而且身材仲比產前更弗更健美，故有「最強辣媽」之稱！唔信？大家可以欣賞一下曜子嘅最新寫真碟《Twin Venus》！
一開始曜子展現成熟及溫文儒雅嘅一面，去到不同場景，例如懷舊嘅電車車廂就會慢慢咁寬衣解帶，展露出纖巧美體及最強巨乳。去到後半段，曜子就嚟個變髮回春，以一頭清爽短髮登場，成個人都青春晒，一邊食嘢一邊剝衫，仲露出少女般嘅可愛笑容添！所以話，女人生完BB一樣可以好索，甚至比以前更索，女士們不妨向曜子學嘢喇！