唔少成人遊戲都喜歡以魔女做題材，好似呢隻由日本遊戲商Wonder Fool推出嘅《夏之魔女的遊行》就係其中之一。故事發生喺一個特別世界，當中會出現擁有不可思議力量嘅魔女，佢哋長大後會運用力量幫助人。生活喺偏遠村落神那原村嘅男主角天都幸人，原來係魔女界名人天都嘅兒子，但係佢冇魔法。有一日出現3位自稱魔女見習生嘅美少女，佢哋因為要成為獨當一面嘅魔女，決定喺畢業前先進行名為「魔女遊行」嘅實習之旅，強行住喺幸人嘅屋企，而佢莫名其妙咁成為呢班魔女嘅管理人。本來呢種生活已經夠佢頭痛，殊不知有晚3位魔女不約而同話係幸人嘅未婚妻，原來佢哋細個時，幸人嘅母親許下承諾，如果佢哋當中邊個能成為優秀魔女嘅話，就可以成為幸人嘅未婚妻！由於魔女嘅諾言具有極大嘅魔力，故此幸人只好從佢哋當中揀一位做老婆，卻估唔到原來仲有候選人仍未出現，令幸人嘅生活從此變得多姿多采。