正所謂「工欲善其事，必先利其器」，如果想令床戰變得更暢快，有樣嘢一定唔少得，就係一張結實嘅床，絕對係性事必備工具，否則就會好似呢位男網民咁，被女友拒絕交歡，慘慘豬！佢話：「我住喺一幢唐樓嘅劏房，雖然隔音好差，但既然有私人空間，咪叫女友上嚟開心吓，點知試過一次之後，佢就唔願意再上嚟，話情願去酒店爆房。坦白講，我租劏房就係想有私人地方，想做乜都得。問佢原因，佢就話好討厭床震時床架發出唧唧聲，擔心畀人聽到好尷尬。唔通我真係要換張床，先至可以同女友床震？」
重新做人： 換張床有幾麻煩呀，快啲換咗佢啦。你買散件返嚟自己砌，都唔係好難啫，搞到成日爆房，皮費仲重呀！
Semi： 原來租房住嘅原因係為咗搞嘢，思想真係低俗！所以我覺得女友拒絕你嘅原因，未必係因為張床囉！
森森： 其實唔喺床度做，係咪都有其他地方可以揀？我唔知你間劏房有幾細，但冇理由連玩推車嘅空間都冇啩，真係冇地方咪企喺度做，一樣得啫！
小飛牛： 播音樂或開大電視機聲嚟掩蓋張床嘅唧唧聲有冇得諗？再唔係你索性唔要床架，就咁鋪張床褥，問題解決！