千世羅女人味大放送

女人味呢樣嘢，話佢好抽象又得，話佢好實在亦得。前者唔難明，後者只要睇吓韓國人氣模特兒千世羅，就會明白乜嘢叫做女人味。喺首爾出生嘅佢，於2012年出道時，有人覺得佢個樣雖然係靚，身材亦有前有後，但係冇令人驚艷嘅感覺。不過當大家望真啲之後，就發覺佢相當有氣質，尤其係佢親切嘅笑容，予人大姐姐Feel，因此被喻為姊系車模。佢表示當時承受住好大壓力，曾多次問自己應唔應該繼續留喺模特兒界，及至開始被認同後，佢先至決定留低，並全力出擊，先後為多本男士雜誌拍攝性感寫真，又開始經營IG成功吸納人氣。不過講到最印象深刻嘅一次演出，就係喺2014年以賽車女郎身份喺釜山嘅賽事上登場，佢話嗰時緊張到差啲跌倒，好彩有位前輩及時扶住佢，先至冇出醜，並順利完成工作，至今仍令佢記憶猶新。