韓國車模嘅身材一向以火辣見稱，但如果連同行都讚賞，咁就真係超勁，喺2014年出道嘅韓國車模延超雅就係人辦！
出生於南韓大田廣域市嘅延超雅，三圍係36、23、35，單體數字已經知道佢嘅身材有幾咁魔鬼，睇埋個樣，就唔難理解其他車模為乜會羨慕佢。其實喺躋身車模界之前，阿妹已經做咗攝影模特兒一段日子，轉做職業車模後，人氣更勁，且頻頻曝光，先後喺首爾、釜山等地嘅國際車展上現身。另一方面，阿妹仲為男士及潮流雜誌影寫真，最重要係拍攝過程一啲都唔介意騷身材，令性感火辣成為佢嘅代名詞。值得一提，近年阿妹做埋Cosplayer，實行將性感魔力大發放，唔單止吸睛度大幅提升，吸金力更係超勁。