雖然仲有兩個禮拜先到端午節，但出猛太陽嗰陣，真係熱到成身濕晒，仲要個口罩撻喺塊面度，簡直辛苦到爆，好想即刻去游水，消暑之餘，亦趁機𥄫女，等對眼食吓冰淇淋！如果有位巨乳女鼓手，或好似桃乃木香奈呢類索女企喺面前，真係透心涼呀！
早排有位叫「Yuki Osaki」嘅女YouTuber，喺網上放出一條邊露乳溝邊打鼓嘅視頻，隨即喺日本網絡掀起話題，事關佢對車頭燈唔單止夠大，鼓藝亦相當精湛。原來呢位YouTuber叫大崎由希，1987年9月11日喺神奈川出生，身高155公分，卻擁有35F-21-33嘅魔鬼級三圍，尤其係嗰對F罩杯巨乳，真係非常誘人。由於身材出眾，阿妹早喺2007年已經開始藝能界活動，2015年仲進軍寫真界，同年推出首本寫真集。至於為乜阿妹要喺視頻內表演打鼓呢？原因好簡單，技癢囉，其實阿妹係打鼓能手，2010年10月喺「Emergenza Japan 2011」獲得最佳鼓手獎，之後仲參加過多支搖滾樂隊兼推出專輯。不過，咁都未算勁，阿妹仲係OL咖啡店嘅老闆，真係多才多藝呢！
日本美少女系AV女優桃乃木香奈，人氣有幾高？睇吓阿妹之前喺Twitter分享Cosplay照而成為網絡熱話，就知道佢有幾咁吸睛。阿妹扮演嘅女角色係外號「戀柱」嘅甘露寺蜜璃，來自日本人氣動漫《鬼滅之刃》，喺好多網民眼中，桃乃木不但個樣夠索，嗰對31F巨乳仲同蜜璃好神似，加上兩者喺特質上好相似，所以其他Coser好難匹敵，究竟係乜嘢特質？之唔係大食囉！喺動漫中，蜜璃係大胃王，而桃乃木同樣好食得，曾經挑戰過大胃王比賽兼贏埋獎金，呢一點喺日本AV界真係贏晒。話說回來，早喺2015年2月以藝名「松嶋真麻」出道嘅桃乃木，曾經被冠以「肥美巨乳蘿莉」嘅稱號，經過積極減肥後，以現時藝名再次出發，結果一炮而紅，呢份毅力真係唔講得笑。
撰文：魂