每年夏季，唔少日本十八禁遊戲公司都會推出以炎夏為題材嘅作品，呢款由Key推出嘅《Summer Pockets REFLECTION BLUE》，更加係結合咗成人遊戲王道題材嘅兩大元素─戀愛同後宮，加上萌味十足嘅美少女，相信又會引來一班粉絲捧場！
故事講述男主角鷹原羽依里隻身前赴從未去過嘅鳥白島，目的係要整理祖母嘅遺物。當佢落船一刻，喺碼頭見到有位美少女企喺海邊享受海風，個樣固然係佢杯茶，而對方嘅身材更加令佢心郁郁。去到祖母屋企，佢發現祖母遺物中有本日記，上面寫咗啲佢唔係好明嘅故事，唔通個島有不為人知嘅一面？隨住佢喺海島住嘅日子愈耐，遇到嘅美少女亦愈多，個個都令佢相當心動，但始終見唔番碼頭遇上嗰位美少女，直到有日呢位美少女竟然主動搵佢。想知跟住係點，就要搵呢隻遊戲嚟玩吓啦！