人要有想像力，生活先至唔會變得苦悶，但有啲嘢真係令人意想不到，好似有網民Po咗啲性感相，以為係露股、露胸嘅誘人畫面，真相卻出人意表！又有以美尻作招徠嘅Coser，除咗精於玩變身，仲識得以情趣用品搵食。不過，最意外嘅係，日本有個網絡調查，個題目本身已夠出位，點知答案仲爆，問你服未！
又係心理測試嘅時間！大家睇吓以下呢幾張相，覺得佢似人體邊個部位？臀部？錯！乜你哋嘅思想咁污穢（口架），其實佢係手（月爭）嚟（口架）。早前日本有網民分享咗呢幾張相，驟眼睇落去好似美股，即時成為網絡熱話，而呢位叫八橋（やつはし）嘅網民稱做法好簡單，只需要髮圈紥住手（月爭）就得。佢又解釋之所以影啲咁嘅相，原因係夜晚仲要開工，希望藉此減吓壓。正所謂「一石激起千層浪」，唔少網民不但有樣學樣，仲創作出其他髮圈邪念相，好似有網民用髮圈紮住兩隻手（月爭），就營造出低胸衫加巨乳嘅效果圖，有人則屈曲雙膝加件鬆身闊領T恤，同樣可以做出巨乳效果。大家嘅創意都好勁呀！
唔少人都問日本嘅女Coser除咗影寫真同出活動外，仲有乜嘢方法搵外快？人氣美尻兼御姐系女Coser真中緒（真中つぐ），就話畀大家知有乜嘢計仔。憑住美股加長腿，成功喺日本Cosplay界獲得超強人氣嘅真中緒，自去年9月開始成為秋葉原一間情趣用品店嘅代言人，到咗近排仲做埋產品推介專員。嗱！玩性感Cosplay同露股罅確係阿妹嘅強項，但講到情趣用品，佢又知幾多呢？原來阿妹話自己一直有使用情趣用品，之前試過買咗啲包裝上印有「絕對高潮」或「性福巨根」等宣傳語嘅產品，點知效果冇想像中咁好，於是開始鑽研。經過多年嘅體驗，阿妹發現震蛋先至係情趣用品嘅王道，尤其係對初心女性用家嚟講，一來使用方便，二來容易收藏，佢仲話自己會不定期喺情趣用品店內做推介，有興趣可以同佢交流吓。
按道理，就算男友嘅男性朋友有幾型，身為女友都唔會出手，之但係如果男友做主動，問女友肯唔肯同男性朋友啪啪啪，你會點答呢？呢類情況本應只會喺AV中出現，日本官能小說家大泉里香竟然搞咗個相關嘅網上調查，獲得473位女網民參與，結果仲要係出人意表，只有49%受訪者話唔可能接受，27%話取決於男友嘅朋友，19%稱會有條件地接受，5%話可以接受！不論係取決於男友個朋友，定係無條件接受，本嚟都已經好爆，但乜嘢叫做有條件地接受呢？原來係指同人啪啪啪時，男友唔可以在場，或者以後都唔會再見到男友個朋友等等。不過，姑勿論點，答應得男友咁離譜嘅要求，唔少女網民都話已唔當男友係結婚對象，甚至有分手嘅準備喎。
撰文：魂