唔知大家仲記唔記得喺2018年2月推出嘅PS4遊戲《Dragon's Crown》呢？就算唔記得隻Game點玩，都會記得遊戲中能夠施展黑魔法嘅魔女，事關佢對車頭燈不但超巨型，每當佢走動時對爆乳搖吓搖吓，嗰種乳搖效果搞到人好難集中精神打機。前後推出過唔知幾多款模型嘅佢，最近又有新作品推出，而今次就加入一份柔弱可人嘅女人味，跟遊戲中帶妖媚邪氣嘅感覺完全唔同，甚至有人話有啲日本妹Feel，最明顯嘅轉變就係佢嘅面形同五官，塊面尖長咗，對眼大咗，個嘴又細咗，連全身膚色都變得雪白，真係好符合亞洲人嘅審美標準呀！不過有一個地方保持不變，就係佢對爆乳仍然咁巨型，配埋套低胸喱士女巫服更係有呼之欲出嘅效果，而佢條腰仍然係非常纖幼，個躉亦渾圓兼有分量，相信大家一定鍾意。