男人之間開玩笑嗰陣，總係會話想試吓做AV男優，但講就無敵，做就……家陣，機會嚟喇！事關日本AV界需要唔少男優，所以最近出現咗網上AV男優嘅中介，但老套啲都要講句，搵工嘅嘢都係小心啲好。
AV男優係唔少男士嘅夢想職業，畢竟有錢收又可以啪啪啪，之但係好多人都唔知點入行。以往AV男優要入行，通常要攜同個人資料、健康證明同相片，到AV片廠自薦再進行面試，又或者等AV片廠搞聯合招聘會先得。但家陣網絡世界咁方便，上網登記都可以夢想成真，好似呢個名為Avactor嘅日本網站，就透過網上登記形式，等男士們有機會被AV片廠取錄。據網站稱，只要係20歲或以上，能夠提供身份證明文件（包括護照）嘅男士就得，但由於個網只係中介，申請人仍然需要到片廠進行面試。片酬方面，網站稱素人男優片酬為3千至1萬日圓，資深男優為7千至3萬日圓。縱然有興趣，卻要留意唔識日文係唔請嘅。另外，大家要提防求職陷阱，事事小心。
身為音樂人，當然希望觀眾將注意力放喺自己嘅音樂作品之上，但想吸引人哋嘅注意，外形亦相當重要。好似日本巨乳系音樂人高木里代子，不論音樂造詣定係樣貌身材，都相當吸睛！事緣經營開YouTube頻道、以Cosplay加彈鋼琴為賣點嘅佢，最近彈咗首人氣動漫《鬼滅之刃》主題曲《紅蓮華》，憑住爆乳造型加萌樣，即時成為網絡熱話。雖然阿妹喺片中嘅爆乳係假胸墊嚟，但其實佢本身都擁有35E巨乳，係咪好有睇頭呢？不過，阿妹嘅鋼琴造詣亦相當勁，4歲開始學鋼琴，大學時期搞過演奏會，後來仲組成樂隊進軍樂壇。除咗精於玩音樂，阿妹仲係位寫真女優，真係多才多藝。
鍾意去夜場識女仔嘅男士，究竟係咪善於同女性溝通？最近日本網絡就呢個話題掀起一番熱議，事關喺日本人眼中，鍾意去風俗店消費嘅男士，都係唔識得點同女性溝通同相處嘅人。點知話題一出，引起唔少男網民反對，認為鍾意同經常去風俗店嘅男人，先至係最擅長同女性相處嘅人。有男網民稱連去女僕咖啡都驚，點會去風俗店；又有男網民表示，搭電車都唔敢坐女性對面，冇可能會搵風俗孃；更有自稱係二次元迷（即鍾意動漫角色多過真女人）嘅男網民稱，因為以前一直唔知點同女性相處，所以有同事或朋友拉佢去風俗店都唔敢去，好驚同風俗孃共處一室，但因工作關係多咗接觸女性，慢慢打破心理障礙，終於鼓起勇氣去風俗店，仲樂此不疲。唔知大家又點睇呢？
撰文：魂