男士們見到索女就流晒口水，會畀人話係膚淺，之但係如果企喺眼前嘅索女係韓國人氣模特兒閔蔡允，就算畀人話膚淺，都忍不住要口水長流。
首爾出生嘅閔蔡允，身高達175公分，身材玲瓏浮凸，仲有一對修長美腿，但之前冇諗過做模特兒，反而想成為一位電腦程式員。不過，出眾嘅身高同標致嘅樣貌，令佢每次行街都被模特兒星探睇中，後來喺朋友嘅游說下，為某商品當上平面模特兒，期間獲得前所未有嘅滿足感，所以喺2015年正式開始模特兒工作，翌年更首次以賽車女郎身份喺全羅南道舉辦嘅賽事上登場，而呢次工作亦成為事業轉捩點。不過，人氣火速爆紅嘅佢，一直冇考慮做網絡直播同踩入演藝圈，反而認為做模特兒更有滿足感。