古語有云：「食色性也。」一個人處於飢渴狀態，當然要食嘢啦！為咗滿足一眾餓男嘅身心需要，日本有位女YouTuber趁抗疫期間出招，同網友分享煮食心得，問題係每次出場都附加養眼巨乳，搞到好多麻甩仔都唔知將個重點放喺邊，真係好誘惑呢！
抗疫期間，日本有唔少人因為困喺屋企太得閒，紛紛走去拍片做YouTuber，好似有個叫「媽媽料理學習中」（ ママはお料理勉強中）嘅頻道，自4月1日開始發片，短短個幾月時間已經有超過五萬五千個訂閱，認真犀利。爆紅嘅原因不外乎兩點：煮嘢食加巨乳！可能有人會話，呢類內容都唔算好特別啫，點解能夠跑出？首先，呢位YouTuber對巨乳加深溝真係好誇張又好迷人，其次節目中示範嘅家常菜簡單易煮，就算未入過廚房嘅男人都煮到！呢位YouTuber仲話，之所以推出視頻唔係為咗吸睛，而係因為身邊有個星級大廚老公，同埋中學時因巨乳而被人欺凌過，於是決定以巨乳為武器，畀大家知道巨乳嘅魅力。
巨乳嘅誘惑，令好多男士不能自拔，而擁有35G巨乳嘅超性感女Coser似鳥沙也加，更加係無數男士嘅女神。早排阿妹去咗新宿嘅著名AV拍攝熱點「那個泳池」，影咗一輯寫真，而為咗配合主題，仲準備咗7套唔同款式嘅泳衣呢！喺攝影師嘅神操作下，配合埋「那個泳池」所帶嚟嘅聯想，寫真未出已經引起唔少人嘅注視。不過，講到呢個泳池，相信以後好難再喺AV度見到佢，事關有日本網民爆料，泳池管理公司P studio有感每次租畀AV片廠拍攝後，池內都留有男女優激戰後嘅體液，次次都要放水做清潔，成本實在太高，所以拒絕片廠租場，真係好可惜。
情到濃時要除底褲，你會親手除定畀另一半除？日本官能小說家大泉里香喺網上做咗個調查，喺658名有參與投票嘅女網民中，56%想男伴幫自己除，18%會自己除，16%沖完涼已經冇着。換言之，有過半數女士希望男伴幫自己除底褲，而且要係溫柔嗰隻，唔可以太粗暴或扯爛條底褲。另外，女網民認為，去得約會已預咗有下文，所以會着啲名牌兼性感嘅「勝負下着」，但呢啲底褲通常好貴好脆弱，萬一太大力，好易變形兼扯爛。有女網民則希望男伴除完佢條底褲後能小心擺放，因為佢男友經常亂掉佢條底褲，搞到完事後搵唔番。
撰文：魂