早前有女網民話居家抗疫期間，日日對住老公令性趣大減，呢邊廂就有女網民話，因為日日對住老公而忍唔住啪啪啪，開心之餘，但又有另一個問題擔心，佢話：「以前因為工作關係，所以結婚半年冇時間行埋，而結婚前都有做，但一個月最多三四次。而抗疫期間我哋都係在家工作，日對夜對，老公一見到我嘅內衣Look，而我見到佢嘅四角褲造型，就會慾火上升，以前未做嘅Quota全部喺呢兩個幾月度做爆晒。唔係誇張，我哋真係日日做，每日最少一次，最多係四次，結果啲套套好快用晒，有幾次仲試過唔用套。但問題就嚟嘞，因為我哋冇諗住生育，所以發現月經唔準時就會好擔心，仲買咗好多支驗孕棒，好彩結果顯示係冇懷孕，睇嚟我同老公都要控制一下先得喇！」