新冠肺炎為全球人類上咗一課，教識大家要經常作最壞嘅打算，事關目前嘅安穩好景隨時會轉瞬即逝！計我話應該向AV女優濱崎真緒好好學習，阿妹憑俏麗面孔加上一對嫰滑E奶，於2012年作AV出道後即一炮而紅，至今已拍逾800部作品，人氣爆燈。以為阿妹會成名太易會放軟手腳？上佢嘅Twitter望望，就知阿妹依然鬥志爆棚，密密Po相拍片大晒火辣波哋，睇到一眾粉絲大叫正斗！與此同時，你亦會留意到阿妹積極向多方面發展，其中一份兼職係落夜場做DJ，睇見嘅一身潮Look手舞足蹈打碟，絕對有板有眼。不過，受疫情影響大家都要留喺屋企冇得蒲，但濱崎依然冇停手，啱啱佢又推出咗1比1攬枕，更Po片示範攬住嚟瞓，令粉絲流晒口水！兼且阿妹仲有寫真集熱賣中，吸粉同時搵銀，夠晒未雨綢繆呀！