睇特攝片同玩貓可以對事業有幫助？唔好以為我吹水，AV女優架乃由羅就正正係一個人辦！阿妹早喺高中時期已經當模特兒，本身質素毋庸置疑，喺2017年佢毅然投身AV界，成為AV大廠S1嘅專屬女優，當時佢18歲卜卜脆，青春無敵加上擁有D奶好身材，火速成為AV粉絲嘅焦點。不過，阿妹除咗驕人天賦兼喺床上表現落力外，佢嘅宅女形象亦係魅力所在！佢聲稱喺高中時期睇過《列車戰隊》後便成為特攝粉絲，更話自己睇晒平成年代所有《幪面超人》系列，呢個喜好自然令佢喺宅男界備受追捧。與此同時，睇佢Twitter除咗有J圖放送，亦會經常見到阿妹跟貓咪晒恩愛，當堂覺得佢愛心爆棚兼有一陣「宅」味。啱啱佢嘅Twitter人數衝破7萬大關，喺AV界嚟講成績相當唔錯，可以話係「宅」出個未來呀。