內地開發嘅遊戲《碧藍航線》，憑住一眾以昔日日本戰艦名，再擬人化成性感少女嘅角色，成功打動粉絲嘅心。既然作品咁受歡迎，模型化亦係意料中事，而最新登場嘅角色就有赤城呢位火辣美少女。
赤城嘅模型出過唔少，今次以「樂園的彼岸花」為造型，所謂「彼岸花」，簡單嚟講，即係水着造型咁解。一向狐味十足嘅赤城，換上水着，姣性有增無減，加上動作極具挑逗性，令佢魅力大幅提升。不過，講到模型嘅最大吸睛位，非一對激凸車頭燈莫屬。呼之欲出嘅感覺，固然令人心跳加速，而玩家除咗佢條裙後，仲會發現條泳褲真係細無可細，圓渾美股盡入眼簾，認真夠晒賞心悅目！