江山代有人才出，每個行業都會有「新陳代謝」，舊人離開，自然就會有新人湧現取代其位置。喺3月時，被稱為纖腰女王嘅日本寫真天后川崎彩引退，好快就有一位優質寫真妹接班，佢就係林夢喇！
家陣好多人喺飲食上相當講究，除咗要食物色香味俱全，最重要符合健康飲食原則，包括低糖、低鹽、低脂以及高纖。就高纖呢方面，其實同男人睇靚女相若，因為高挑又纖巧嘅女生的確吸引，不過最好就梗係高纖得嚟身材凹凸有致啦，而林夢就滿足晒男人嘅要求喇！
24歲嘅林夢身高5呎6吋，四肢同腰肢都相當纖巧，但係人瘦卻胸大，一對天然F奶又堅挺又極富彈性，絕對係極品好波，睇到男人流晒口水之餘，亦令女人羨慕又妒忌呀！更難得嘅係林夢亦係一位美人兒，面帶圓潤感夠晒可愛甜美，水汪汪嘅明眸亦同雙峰一樣又大又圓，所以阿妹甫出道就火速上位，絕對唔係冇理由。
入行前，林夢係一位IT公司嘅OL，期間亦兼職做賽車女郎，由於樣靚身材正，所以好快就被寫真界睇中。而喺兼職做賽車女郎嘅日子，佢除咗獲得強勁人氣，同時亦獲獎不少，曾獲得日本賽車皇后大賞「最佳新人」，之後又奪得「年度賽車皇后」殊榮，成為首位獲獎嘅北海道出身女生。至於喺寫真界發展，林夢一樣猶如順水推舟咁順暢，更加被喻為繼川崎彩之後嘅新一代纖腰女王。
近期佢除咗拍寫真，亦積極參與電視台工作，更以「吉田夢」之名參加真人騷節目《Terrace House : Tokyo 2019-2020》添！不過，最近受到疫情影響而被迫停工，但係林夢冇因此而感到失落，反而展露出積極樂觀個性，表示生命最重要，停工只係一時之間嘅權宜之計，相信好快疫情就會過去，大家將會繼續愉快咁生活同工作。
社交網站
雖然真人騷節目暫時停工，但係佢就繼續拍寫真，更不時將拍攝花絮同性感照放上社交網分享，大家記住欣賞喇！
網址：https://twitter.com/h_yume_1018
年齡：24歲
身高：5呎6吋
三圍：34F-22-34
撰文：賢