好多慾海男女受疫情所累，生活大受影響，風俗業更加係冇啖好食！之但係寂寞難耐，唔少有鋪偷情癮嘅男女都諗盡辦法，希望多啲同性伴密會，而癡漢們亦唔怕悶親，因為有網站研發出專為癡漢而設嘅DIY口罩，做法唔難卻又勁變態，畀人見到都幾麻煩！
家陣各行各業都受疫情影響，執笠、停業嘅情況十分普遍，日本嘅風俗業亦唔例外，但當地風俗店對抗疫情嘅做法並唔一樣，好似大阪嘅飛田新地喺今個月初宣布全面停業，而東京一帶嘅風俗店，雖然曾傳出有業界人士染病，仍繼續營業，但係咪有生意，就好成疑問。有風俗孃喺網上稱，以前一日有十萬日圓生意，家陣一個星期只得二十五萬日圓，仲要擔心會唔會染病。亦有風俗孃話，二十五萬生意已經唔錯，佢減埋價都冇呢個數。其實唔止風俗孃叫苦，無料案內所（介紹玩家去風俗店玩嘅店舖）嘅生意亦勁慘淡，上野仲町一間無料案內所早前分享店舖附近街道相，人影都冇個！而橫濱曙町一間無料案內所嘅店員，索性喺度載歌載舞玩自拍，反正日日都冇客。
日本政府呼籲民眾留喺屋企，少出街同朋友相聚、購物、食飯等行為自然減少，但當地偵探社指出，有啲人仍會偷偷去街同人相聚，邊種人咁大膽？咪就係偷情男女囉。日本總會探偵社嘅偵探話，喺抗疫時期，偷情男女並未理會政府嘅呼籲，反而諗出更多理由出去同情人偷食，因以前出街嘅理由離不開同朋友飲酒或聚會，家陣冇咗呢個藉口，惟有搵其他理由，好似公司有事要返辦公室一趟、屋企登入唔到公司個Email帳戶而要返Office、排隊買Switch等。偵探分析指，偷情男女之所以無視少出街指令，原因係偷情本能已根深柢固，好難一時間戒甩，尤其係留喺屋企嘅時間長咗，反而會增加見情人嘅渴望，所以偷情男女嘅密會次數仲會多咗添！
網民將胸圍變口罩、以底褲做口罩等新聞，相信好多人都聽過，唔少女性都話呢啲做法超變態，戴呢啲口罩嘅男人係癡漢咁話。不過，講到真正嘅癡漢口罩，又點及得上呢個網站所DIY嘅口罩呢？名為M.J.Original嘅網站，最近喺官方Twitter分享一個十八禁漫畫迷專用口罩嘅做法，就係先準備一張充滿十八禁味道嘅被單、枕頭套、毛巾之類嘅產品，然後將上面女角色嘅私處剪落嚟，跟住再貼喺正常口罩對住塊面嗰一邊，咁就大功告成。據官方稱，呢種做法好似親吻動漫女角嘅私密部位，而其他人亦唔會發覺，簡直係十八禁動漫迷嘅夢想。不過，女網民見到就話呢種做法勁變態，又話如果知道身邊有男性朋友咁做嘅話，一定會同對方絕交。老實講，呢種口罩又真係幾癡漢。
撰文：魂