女人聚埋一齊嘅話題通常講乜嘢？呢位女網友就話佢班女同事每日例必會講嘅話題，就係自己個老公或男友嘅性能力，佢話：「嚟咗呢間公司做咗4個月左右，發覺班女同事好鍾意分享另一半嘅性能力，好似有個中年阿姐話佢老公支兵器又粗壯又硬朗，另一位同我差唔多年紀嘅後生女同事就話佢老公嘅Size正常，但持久力超長，而佢哋嘅另一半都有個共通點，就係身形勁大隻。我從未參與過佢哋呢個話題，只係一次偶然機會佢哋睇過我老公張相，就話佢瘦蜢蜢兵器唔慌粗壯，體能亦唔慌好得去邊。其實我好想話畀佢哋知，我老公支兵器不知幾粗壯，而且持久力強，每次都做足45分鐘呀！不過我冇佢哋咁厚面皮，真心覺得講呢啲嘢，好唔尊重另一半囉，嬲呀！」
Benman：一班中年阿姐冇嘢傾，係傾埋晒呢啲嘢(口架)喇，之但係好少見後生女會有興趣討論埋一分，可能為咗埋堆啦。不過其實佢哋講得唔算出位，我班阿姐級女同事，佢哋嘅內容直頭十八禁囉！
腸妹：其實喺職場講埋呢啲嘢得唔得(口架)？我好認同你嘅講法，其實攞呢啲嘢出嚟傾唔係咁好，情況等於班男同事講自己條女或老婆咁，真係好唔尊重另一半。
Newie：可能佢哋真係識咗好耐，所以對對方嘅另一半都相當了解啩。Anyway，如果你唔參與，其實又冇人會逼到你嘅，但現實係你唔埋堆就好難有人同你Friend。
結晶：呢啲話題有乜好討論呀？佢哋真係超無聊喎。試問佢就算講到老公支兵器識轉彎又點啫，都冇人可以驗證到啦，呢班阿姐嘅智商真係有啲……