脫星就係脫星，乜仲有階級之分？有，但界線模糊，你可以話邊個片酬高、邊個拍得最多四仔就係星中之星，但咁計好唔公道。舉例，今屆最佳脫星得主Angel White嘅人氣勁、片酬高、四仔多，理應賺到笑，之但係其他脫星如Allie Eve Knox係咪一定少得過佢？未必，事關，後者嘅「戰場」非實體四仔而係網絡，阿妹同一期間可以喺多個直播網站演出，仲有官網、社交網等，佢嘅滲透力絕不比前者差，只係收入無法統計而已。
講一大堆「脫星日常」，目的只想帶出「星唔星」並唔係曝光率高就係嘅！點去決定一位囡囡係咪真脫星？好簡單，用番Allie Eve Knox做例子，有留意細佬專欄，大概都知道呢位衰妹早喺15年入行，當時阿妹報稱喺University Of Alabama擁有3個學士學位，包括美術、人類學及考古學，但礙於興趣係性愛，嗜好係裸體，結果投身色情事業，間唔中會喺四仔演出，之但係阿妹對演出有原則又有要求，低俗或變態都唔好預佢，所以四仔迷過去幾年甚少見到佢。話時話，Allie Eve Knox同「Library Girl」Kendra Sunderland嘅命格好似，同樣係讀書人，亦因興趣入行，而Kendra Sunderland選擇由四仔廠力捧自己上位，Allie Eve Knox則靠自己喺網絡發圍。近日，索爆嘅Allie Eve Knox喺AE紀錄片《Sex for Sale: The Untold Story》亮相，親身講述為何選擇喺色情界發展及得着，同時探討性工作者所面對嘅不公，代表佢講嘢有分量、有見識同有公信力！換句話說，真脫星嘅意義，在於你J緊嘅時候會多一份敬重——「唔係你覺得佢正就睇，真相係阿妹選擇奉獻畀你睇。」唔好搞錯呀！