唔少藝人個藝名或外號都比真名更為人熟悉，好似喺韓國有「行走的女神」同「拉鋸戰女神」之稱嘅金雅英，佢嘅藝名「BJ Coco」就比真名更有人氣！
所謂「行走的女神」，意思指佢係人間超性感女神，講真，萌味爆燈嘅樣貌，加上超誇張嘅三圍比例，呢種配搭又確係超現實，難怪令唔少男士為之心動。至於「拉鋸戰女神」呢個稱號又係點嚟？原來喺2014年已從事網絡直播嘅佢，擅長以性感造型示人，加上口才出色，往往引到一班男網民心跳加速，尤其係佢嗰種性感到極限卻又冇露點嘅火辣身材，令網民總係處於期待佢露出嘅心情之中，因而獲得呢個稱號。連續三年獲得「BEST BJ大獎」嘅佢，近年唔再賣弄性感，唔知粉絲收唔收貨呢？