曾經睇過一篇文章，講一個男人千祈唔好書籤啲鹹網，同埋記得刪埋啲Cookie，免得另一半用你部電腦或手機時，發現你嘅性癖好。
早前有女網民聲稱自己發現男友有個變態癖好：「尋日喺公司發覺唔記得帶手提電腦，於是問住喺公司附近嘅男友借，唔使十五分鐘就送到。完成咗工作後，突然勾起條筋，睇吓佢平日上啲乜嘢網，發現佢個Bookmark（書籤）裏面乜都冇。咦？有蠱惑！不過，呢啲嘢難我唔到。我開佢瀏覽記錄同Cookie嚟睇，一睇之下，噢！佢上嘅網站同睇嘅片，幾乎全部都係同原味底褲有關！知道佢嘅癖好後，就勾起我一個回憶：之前同佢做嘅時候，佢邊做活塞運動，邊聞我條底底。原來實情係咁！真心，我唔係咁接受到，好變態呀！估唔到外表斯文又大隻嘅佢，竟然係個咁嘅人。」
甲蟲奏：你還咗部手提電腦畀佢未呀？見面時，你有冇爆佢啲嘢出嚟呢？唔係喇，你還完電腦有冇同佢食飯呀？我想知道下文啊，快啲話我知啦。
Bit：我將呢單嘢同老公分享，佢話其實唔算係變態，最重要佢有冇其他女人嘅原味底褲啫。如果冇嘅話，都唔算變態得晒，睇你點校番正佢啫。不過我唔係咁睇，佢真心變態囉。
Foria：其實呢啲嘢唔算係變態啩……我覺得好似食榴槤咁，有人鍾意陣味，有人唔鍾意，你又唔可以話食榴槤嘅人變態嘅，最重要佢有冇做違法嘢啫。
鹹蛋：性癖呢樣嘢係好私人嘅，你咁睇人哋嘅嘢其實唔啱o架。記得有個鍾意玩易服嘅男人，結婚多年唔敢同老婆講，後來對方知道咗，不知幾咁支持佢。不過，唔同人始終有唔同嘅諗法。